USC gihatagan og research ethics level 1 accreditation

Giila na sa Philippine National Health Research System (PNHRS) ang Ethics Review Committee (IERC) sa University of San Carlos (USC) nga nakaangkon sa Level 1 accreditation isip Research Ethics Committee (REC).

Gidawat ni Dr. Danilo B. Largo, tagduma sa USC Office of Research, ang kalig-onan gikan sa mga nangulo sa PNHRS Philippine Health Research Ethics Board (PHREB) atol

sa ika-35 nga anibersaryo sa Philippine Council for Health Research and Development (PCHRD).

Apil ang USC sa siyam nga laing mga institusyon sa nasud kansang IERC nakabaton sab og Level 1 accreditation gikan kang PHREB chairman Dr. Leonardo D. de Castro, Ph.D. didto sa Philippine International Convention Center (PICC) sa Pasay City ni’ng bag-o pa lang.

Lakip nila ang Gov. Celesti- no Gallares Memorial Hospital sa dakbayan sa Tagbilaran ug Central Visayas Consortium for Health Research and Development nga naghugpong sa pipila ka tulunghaan ug ahensya sa kagamhanan.

Nag-inusara lang ang USC nga bugtong educational institution nga nakadawat sa maong accreditation sa rehiyon, nga may tulo ka mga ospital nga naghupot sa Level 3 accreditation ug sa bugtong

regional hospital sa kagamhanan nga naghupot sab og Level 1 accreditation.

Magpabilin ang maong pagila ug mahimo kining mapadayon kung kanunay magtamod ang USC sa mga kinahanglang buhatonon, matod ni de Castro.

Nagduso ang PHREB sa prinsipyo nga mapanalipdan ang mga tawo nga mosalmot sa pagsiksik, ug naghatag sa

accreditation sa mga institusyon nga napamatud-an nga nagsunod sa maong mga prinsipyo.

Gipakita sa accreditation ang matang sa panukiduki ug sa risgo nga nalangkit sa mga

protocol nga mahimong subayon ug usbon sa REC. Gitanyag ang level 1 accreditation sa mga bag-ong namugnang REC nga usa pa lang ka tuig. Nagpasabopt kini nga ang REC makarepaso sa mga panukiduki nga dili tanto mabutang sa kakuyaw ang mga mangapil subay sa 2011 National Ethical Guidelines for Health Research.

Hangtud Hunyo 30 ni’ng tuiga, moabot na og 76 ka mga REC ang giila sa PHREB sa tibook Pilipinas.

/ TAMPO ■ REPRESENTANTE SAINSTITUSYON: Ang mga representante sa siyam ka mga institusyon nga nakadawat og level 1 accreditation sa ilang research ethics sama ni USC research office director Dr. Danilo B. Largo (ika-4 gikan sa tuo) nga nagkupot sa PNHRS-PHREB Level 1 accreditation certificate. Uban sa hulagway ang mga opisyal sa kahugpongan sa research.