Gaisano Country Mall Anniv run, Oktubre 29
Sa makausa pa ang Gaisano Country Mall mopahigayon na usab og fun run isip usa sa mga dakong kalihukan sa ilang ika-24 nga selebrasyon nga gikatakda karong Oktubre 29 nga manukad ug motapos diha sa ilang parking
area sa Banilad, dakbayan sa Sugbo. Matod ni Joel Baring, race director, nga moabot ngadto sa 2,000 ka mga runners ang moapil. Ang registration fee nagkantidad og P650 alang sa 21K, P550 sa 15K, P450 sa 10K ug P350 sa 5K. Libre na niini ang singlet, loot bag, snacks ug raffle tickets.