Osmeña nanghunaw sa TNT, igo rang nisugyot og ngan
Si Cebu City Mayor Tomas Osmeña niklaro nga wa siyay labot sa medical assistance program diin si Councilor James Cuenco napalgang sad-an sa serious dishonesty ug grave misconduct tungod sa paggamit og falsified nga mga dokumento sa pagpagawas og pundo sa kagamhanan.
Sa iyang news conference kagahapon, si Osmeña niingong nga ang iyang partisipasyon mao lang ang pagsugyot nga nganlan ang programa og Tony N’ Tommy (TNT.
Si Osmeña niingon nga si kanhi Cebu City south district congressman Antonio Cuenco nipahibawo kaniya sa programa ug nisugyot nga nganlan kini sa una nilang mga ngan.
“I just want to make it clear they’re making it appear that Cuenco is a beleaguered, I feel that I was cheated because they use my name as part of a scam,” sulti niya sa mga reporter.
Si Osmeña niingon nga di siya gustong maapil sa kontrobersiya nga giatubang ni Cuenco kay wa siyay bisan usa ka pasyente nga gipaapil sa programa. Si Konsehal Cuenco mao ang
chief of staff ug administrador sa TNT program sa 2001, nga naghatag og medical assistance nga gi- charge sa Priority Development Assistance Fund sa iyang amahan, kanhi congressman Cuenco, ngadto sa kabus nga mga pasyente sa Vicente Sotto Memorial Medical Center.
Matod ni Osmeña siya nisugot sa ngan aron mailhan.
“Because it’s Tony N’ Tommy, looks like I’m included but actually, I don’t have any hand on that. It’s for projection, for PR (press release) only, I just have to ride with it but I wasn’t aware that it’s a scam,” siya niingon.