Maayong pagka hinanok

Ang pagtuo sa mga imbestigador sa Bureau of Fire nga nahinanok og maayo ang pamilyang Paz sa dihang niulbo ang dakong kayo sud sa ilang panimay niadtong Huwebes sa buntag. Mao ni initial nga pakisusi nga gihimo sa team ni SFO1 John Herediana sa Mandaue City Fire Department sa kamatayon sa magtiayon nga Antonio ug Maricel Paz kauban sa ilang 10 anyos nga anak nga si Ancel Jay.

Ang dakong kayo sud sa ilang panimay niadtong Huwebes sa buntag. Mao ni initial nga pakisusi nga gihimo sa team ni SFO1 John Herediana sa Mandaue City Fire.

Ang pamilyang Paz lumad nga taga San Carlos City . Silang duha pulos nagtrabaho sa Mandaue City. Suwerte ang magtiayon kay ang amo ni Antonio nisugot nga sa kilid sa ilang bodega motukod ug ilang kapuy-an. Matod ni Elvin Iran ang sinaligan sa bodega si Antonio maoy nangunay ug panday sa ilang pinuyanan nga hinimo sa mga light materials.

ALARMA

Tungod kay mga light materials ra man mao nga dali ra kining gilamoy sa kayo atol sa alarma. Ang mga silingan nakamata. Apan way gimok ang pamilyang Paz gikan sa nagdilaab nilang panimay. Mao nga nakapangutana ang pamilya sa mga biktima kung unsang pagka unsaa nga wa man sila makagawas. Matod sa usa ka igsoon nga magbisitaan sa ilang balay dali rang sikaran ang bungbung ug pultahan kay ginama sa light materials.

Pero mao lage wa ni mabuhat ni Antonio. Bisan ang iyang mga kauban sa trabaho nga iyang mga silingan di sab maka atraka tungod sa paspas nga pagdako sa kayo. Mao nga sa pagka pawong sa kayo nibantang sa mga bombero ang napaig nga lawas sa mga biktima. Atong sundon ang imbestigasyon sa kapulisan ug sa mga bombero. Gawas sa nagpuot nga aso unsa pa’y laing hinungdan nganong wa makaeskapo ang mga biktima.

Sa pikas nga bahin manghinaot ta nga ang nahitabo sa pamilyang Paz magdasig unta sa uban paghimo ug pakisusi kung unsa ka luwas ang ilang mga pinuy-anan. Ilabi na niadtong naa sa kilid o likod sa mga building. O kadtong naa sa kilid sa mga habug nga koral. Kining gitawag sa mga bombero nga fire trap. Kung nagtoo mo nga delikado kay way klarong agianan pangita na ug kabalhinan.

TRAPAL

Dunay daghang motorsiklo karon nga namuwak sa mga trapal. Mao ni panagang sa grabing uwan nga nasinati gikan pa sa nangaging buwan. Apan akong kaila nga taga Adlaon sa dakvayan sa Sugbo nga si Joselito Aroa nitug-an nga hadlok siyang mogamit niini samtang mag maneho sa motor agi sa transcentral

highway. Kay basin unya ug madala sa hangin gikan sa nagdagan nga mga sakyanan nga iyang gihulagway nga puwerteng kusoga.

Busa sa mga wa pa makasuway maayo tingale nga inyong susihon kining gipaambit ni Aroan nga kasayuran.