Don't ever go

Mihunong ko paglakaw. Nakapanghupaw ko nga miatubang kang Donald. Naluoy ko niya. Apan wa ko ipakita niya ang mao kong gibati. “Mag-estorya ta unya sa canteen during our vacant period.”

Seryuso ko. Parehas man mig vacant period sa buntag si Donald. Wa ko na huwata ang iyang tubag. Mipadayon kog lakaw paingon sa akong

classroom. Sa wa ko mosulod, gilingi ko si Donald. Wa na siya mosunod nako apan naglantaw siya nako.

Wa masulod sa akong ulo ang gileksyon sa among propesor. Si Donald ug si Belinda ang akong nahunahuna. Usahay mahunahuna ko si Dino. Tungod sa sakit ni Dino, nahimong kompilkado ang akong lovelife.

Naghuwat na si Donald nako sa sulod sa school canteen dihang vacant period na namo. Nag-order na siyag

drinks ug hopia para namong duha. Milingkod ko sa iyang atbang. Miinom kog gamay sa akong drinks kay nabatyagan ko nga miuga ang akong tutunlan. Seryuso kaayo si Donald nga nagtan-aw nako. Nakaduko ko.

“Unsay akong sa’a, Chon, nga gilikayan na man ko nimo?”

Miginhawa kog lawom ug mitan-aw ko kang Donald. “Wa kay sa’a, Nald. But it’s better nga maglikay nako nimo to settle once and for all.”

Klaro sa reaksyon ni Donald ang gibating kahibulong. Nakunot ang iyang agtang. Seguradong wa ko niya masabti.

“Please pasabta ko anang imong giingon, Chon.”

Miginhawa na sab kog lawom. Unya gisultihan ko siya sa tanan bahin kang Belinda. Nakapanglingo si Donald.

“I don,t love her, Chona. Ikaw ang akong gimahal. Yes, iya kong gitug-anan nga love ko niya. But I told her, too, nga inigsuon lang gyud ang pagtagad ko niya. Giprangkahan ko siya nga ikaw ang akong

love. Ug mohunong lang kog pangulitawo nimo kon makasal ka na kang Dino.”

Natugkad ko gyud karon kon unsa kadako ang gugma ni Donalkd nako. Apan gusto kog kalinaw. “Di ko gustog samok, Nald.

Please sabta ko. Igsuon si Belinda ni Dino. And you know Dino is my boyfriend.” “Please ayaw pagpahilayo nako, Chon.”

Kaduha na kini isulti ni Donald nako. Ug nasabtan ko nga sakitan gyud siya kon magpalayo ko niya. Naglibog ko kon unsay akong buhaton. Nahasol na sab ko kay naluoy kaayo ko kang Donald.