Chairman sa Olympic committee gisikop tungod sa pangurakot

Giaresto sa mga tinugyanan sa balaod sa Brazil ang ilang chairman sa Olympic committee isip kabahin sa alegasyon nga namalit kini og botos aron masiguro ang paghost sa Rio sa 2016 Games.

Sa pamahayag sa mga tinugyanan sa balaod si Carlos Nuzman, 75, ang gisikop tungod sa pasangil nga pagpangurakot, money laundering ug criminal association.

Moabot ngadto sa 20 ka mga police officers ang gipakatap kagahapon didto sa Rio de Janeiro ubos sa kamanduaon sa federal judge ang midakop ni Nuzman ug ingon man ang pagsakmit sa mga dokumento.

Gilakip usab sa pagdakon ang chief operating officer nga si Leonardo Gryner, matod pa sa AFP photographer.

Human sa imbestigasyon nga naabot sa pipila usab ka nasod, ang Brazilian official sa niaging buwan nagkanayon nga si Nuzman usa sa mga nalakip sa plano sa pagsuborno sa International Olympic Committee aron nga ang pag-host sa Summer Olympics ma-award ngadto sa Rio de Janeiro.

Niadtong panahona, si Nuzman gipriso, giimbestigar ug gikuhaan sa iyang passport.

Si IOC President Thomas Bach misaad nga mokoporar sa imbestigasyon ni Nuzman apan mipasabot nga kini kutob lang ngadto sa mga organization nga adunay katungod ug gahom nga moimbestigar.

Mao usab kini ang baruganan ni Ban Ki-moon, ang hepe sa ethics commission sa IOC.

Dinhi sa atoal, 18 ka nga national sports association (NSA) ang naghugpong sa panawagan kalabot sa kausaban sa sistema sa pagpadagan sa sports sa nasod niadtong Martes.

Tinguha sa maong grupo mao usab ang pag-amend sa by-laws sa Philippine Olympic Committee nga gipangulohan ni Jose "Peping" Cojuangco.

Gusto usab nila nga resulbahon ang mga panagbikil sa pipila ka mga NSA ug ingon man ang pagpapuyo sa desenting quarters ug ingon man mga medical care.

Ang 83 nga Cojuangco 14 ka tuig nga nahupot sa maong puwesto.

Ubos sa iyang liderato, mitibugsok ang performance sa Pilipinas sa mga international competitions ug ang uwahi niini mao ang bag-o lang natapos nga Southeast Asian Games didto sa Malaysia diin igo lang milandig sa ikaunom nga puwesto ang nasod.

Nasentro usab karon si Cojuangco human madiskobrehii nga adunay minilyon nga salaping nagasto nga salapi sa gobiyerno nga wala ma-liquidate ni Cojuangco.

Ang mga NSA nga naghugpong mao ang gymnastics, boxing, rugby, handball, netball, shooting, sepak takraw, swimming, judo, karatedo, triathlon, dragon boat, table tennis, squash, taekwondo, soft tennis, rowing ug arni.