MOST WANTED SA RONDA NASIKOP

Nasikop ang usa sa mga

most wanted sa lungsod sa Ronda kagahapon sa alas 5:00 sa buntag sa Barangay Kanguha, sakop sa silingang lungsod sa Dumanjug. Si Ericson Blanco, paryente sa mayor sa Ronda, nasikop pinaagi sa joint operation gipangulohan ni P/ Supt. Joie Yape, Jr. pinasikad sa warrant of arrest sa kasong attempted murder sa Regional Trial Court (RTC)-7 Branch 60 sa lungsod sa Barili.

Si Yape, kinsa nahinabi sa Superbalita Cebu, nagkanayon nga si Blanco dugay na nga nagtago-tago kay gipangita sa balaod hinungdan dihang nakadawat silag impormasyon nga didto kini sa Dumanjug, gipatuman nila ang Oplan Tracker hinungdan sa pagkasikop niini.

Ang opisyal nibutyag nga duna pay pipila ka wanted

persons sa Ronda nga nagtago-tago apan gipaneguro niini nga madakpan ra kining mga kriminal kon di sila motahan.

Sa laing bahin, gibutyag ni Yape nga dunay mga nadakpan sa laing operasyon batok sa gidiling drugas sa lungsod.

Giila niya ang mga dinakpan nga sila si Jimmy Arnaiz, 26, alias Robot; usa ka drayber sa

public utility jeepney nga taga Barangay Quiot, siyudad sa Sugbo; ug Mylica Cantong, 23, taga Quiot usab.

Nakaipsot si Allan Cantong, 26, ang subject sa buybust nga kontak sa drayber sa PUJ ug kapuyo niini. Gipadayag niya nga wa nay

pusher sa nahisgutang lungsod human tanan nitahan apan pipila ka manuyopay ang mopalit og drugas sa dakbayan sa Sugbo.

Ang mga dinakpan nakuhaag lima ka gagmayng putos sa shabu ug P200 nga buybust money.