Pag-accredit sa CT-FEDHOA sa Talisay City kontrobersiyal: Kon. Cabañero

Kontrobersiyal nga pag- accredit sa City of Talisay Federation of Homeowners Association (CT-FEDHOA) pauyonan na sa konseho bisan walay pagtugot sa mayoriya.

Ang maong isyu maoy nakaingon nganong si Bise Mayor Alan Bucao ug siyam ka mga konsehal gireklamo sa CT-FEDHOA ngadto sa Office of the Ombudsman for the Visayas tungod sa giingong giyak-an sa konseho ang ilang hangyo nga i- accredit ang ilang grupo.

Samtang, Konsehal Raul Cabanero, presidente sa Association of Barangay Councils (ABC) ug chairman sa

committee on accreditation sa konseho, niingon nga andam na usab siya kon mahukasan sa iyang komitiba tungod kay alang niya gipasagdan siya sa iyang mga kaubang konsehal.

Matod ni Cabanero nga ang iyang rekomendasyon niadtong Agusto 15 nga iduso unta sa konseho nga uyonan, subli kini niyang iduso ugmang adlawa atol sa ilang regular nga session.

Wala matuki sa konseho ang rekomendasyon kaniadto tungod kay matod pa diha pa lang sa caucus sa mga konsehal ila na kining gipadaplin human nila makita nga wala makatuman sa usa ka tuig nga

requirements ug nangayo pa sila og opinion sa Department of Interior and Local Government (DILG).

Wala gitago ni Cabañero ang iyang kahiubos ngadto sa iyang mga kaubang konsehal ilabi na ngadto kang Bucao, nga siya ang gibasol nga niabot na hinuon sa punto nga sila gipangkiha sa Ombudsman Visayas sa mga opisyal sa CT-FEDHOA.