Lima sikop sa buy bust operation sa Minglanilla, usa niini babaye

Lima ang nasikop, lakip ang usa ka babaye, atol sa gipahigayong buy bust operation sa Philippine Drug Enforcement Agency (PDEA) 7 kagahapon sa alas 3:30 sa kadlawon sa Lower Pakigne, lungsod sa Minglanilla.

Gipusasan si Oliver Jakosalem, ulitawo, ug gihulagwayng usa ka high-value-target, nga nagpuyo sa nahishutang lugar ug ingon man ang iyang mga ka kunsabo nga sila si Macaciano Villanueva, 52, Roland Labrado, 38, kapuyo nga si Vera Albellana, 38, ug si Arnel Villanueva, 20.

Si Jakosalem, nakuhaag duha ka dagkong putos sa shabu ingon man usa ka bulto nga subject sa buy bust operation nga mobalor sa P20 mil pesos gamit ang boddle money.

Samtang sila si Macaciano Villanueva, Roland Labrado, Vera Albellana ug Arnel Villanueva nakuhaag tagsa ka bulto nga putos.

Si Leah Albiar, tigpamaba sa PDEA 7, nagkanayon nga ang tanan shabu nga nakuha sa possession sa mga suspetsado motimbang sa 60 gramos nga mobalor og P300 mil ka pesos.

Matud pa niini nga usa kasimana nga gimonitor sa ilang mga ahente si Macaciano Villanueva, apan dihang natigayon ang transaction.

Si Oliver Jakosalem maoy gika-transact hinungdan nga didto makuha niini ang dagkong bulto sa shabu.

Si Albiar, miingon nga ang kontak nila ni Jakosalem ug Villanueva, nagagikan sa Bilibid.

Gipadayag niini nga ang mga dinakpan makadispose kinig shabu nga 300 gramos ngadto sa 1 kilo matag simana.

Ang ilang distribution sa drugas gikan sa Minglanilla, hangtud na sa dakbayan sa Sugbu.