RICE GIPAMULTA OG P.5 MILLION

Gipahibalo sa Talk N’ Text KaTropa kagahapon nga ilahang gipamulta og $10,000 o P513,000 ang ilang kontrobersyal nga import nga si Glen Rice Jr. gumikan sa salawayong mga gipanghimo niini.

Wala kini labot sa laing P26,000 nga gipahamtang nga multa sa Philippine Basketball Association (PBA) ngadto kang Rice.

Kon abilidad ang hisgutan, epektibo si Rice, kinsa nag-average og 32.88 puntos, 11.25 rebounds, ug 4.88 assists sa Governor’s Cup.

Apan ang katakos ni Rice nasapawon sa salawayon niyang kinaiya nga maoy hinungdan nga na-thrown siya sa do-or-die game batok sa Brgy. Ginebra Gin Kings sa semi-finals gumikan sa iyang pagdapat kang Kevin Ferrer ug paglabay og bola ngadto sa rookie nga magduduwa.

“The team management has imposed upon Mr. Rice a fine in the amount of $10,000, considering his behavior in TNT’s last game, which constitutes willful violation and breach of his contract,” opisyal nga pamahayag sa TNT.

“His undesirable, unprofessional, unruly and unsportsmanlike behavior adversely affected not only the Team’s image but the brand and corporate reputation of the PLDT

Group as well.”

Matod sa TNT, misaad si Rice nga mosunod sa ilang patakaran nga naglakip sa pagpakita og maayong kinaiya sa tanang oras.

Ang kinatibuk-ang multa ni Rice nga mokabat ngadto sa P541,550 ikaltas ngadto sa iyang suweldo. “This is without prejudice

however to whatever legal right TNT may have against Mr. Rice for damages and other available remedies under our contract,” dugang sa TNT. Sa pagka-thrown ni Rice, nausikan sa KaTropa ang ilang double-digit nga labaw ug napilde sa Game 4, 105-114, nga maoy nagtiklop sa ilang kampanya sa Governor’s Cup.

■ MULTA: Gipahibalo sa Talk N’ Text KaTropa nga gipahamtangan nila og kapin sa tunga sa milyon nga multa ang ilang import nga si Glen Rice Jr. gumikan sa salawayon niining nahimo sa katapusan nilang duwa sa PBA Governor’s Cup. / PBA.PH