KASO SA 47 KA KAPITAN GIBASURA

SA WA PAG-ULI SA MGA SAKYANAN; WAY BASIHANAN: OMBUDSMAN

Aron way malapas nga tawhanong katungod ngadto sa tag-balay, giusab sa barangay Pajo, Lapu-Lapu City ang paagi sa ilang agresibo nga kampanya batok sa ginadiling drugas.

Ang homeowner maoy mangunay og marka sa ilang struktura nga “drug-free” sa pagpamatuod nga niundang na sa hingpit ang tagbalay sa paggamit o pagpamaligya og illegal drugs.

Matod pa ni Kapitan Junard “Ahong” Chan, ilang suroyon ang matag sityo ug pag-awhag niadtong giila nga drug personality sa pagsurender sa pulis sa di pa butangan og marka nga drug free ang ilang pinuy-anan.

Nahimong kontrobersiyal ang paagi ni Chan sa kampanya batok sa illegal drugs sa dihang gitawag ang iyang attention kalabot sa iyang ‘shame campaign’ nga markahan og “Identified Drug Den Area” kadtong paabangan nga gihimong suyopanan.

Giklaro sa opisyal nga kabubut-on sa landlord nga butangan og marka ang iyang paabangan nga lawak gumikan sa ilang kabalaka sa seguridad ug posibilidad nga madudahan nga nagtinir og mga drug user sa ilang area.

Niadtong Miyerkules sila Chan ug mga barangay kapitan sa siyudad sa Sugbo, apil na si Ermita Barangay Captain Felicisimo “Imok” Rupinta nagtagbo sa mga opisyal sa Commission on Human Rigts (CHR) 7 ug law enforcement agencies diin gihisgutan ang ilang paagi sa pagsulbad sa problema sa drugas sa ilang barangay.

ALEX BADAYOS ■ WA MADAYON: Ang fluvial procession sa mga deboto ni Santa Teresa de Avila sa dakbayan sa Talisay naghuwat alang unta sa pagsugod sa fluvial procession isip tipik sa kalihukan sa iyang kapistahan, apan wa madayon tungod sa dautang panahon kagahapon sa...