TANANG DRUG UNIT SA PNP GIBUNGKAG

Tanang drug enforcement unit sa kapulisan sa tibuok rehiyon gibungkag na human nimando si Presidente Rodrigo Duterte nga ang anti drug operations isangon ngadto sa Philippine Drug Enforcement Agency (PDEA).

Human nimando si Duterte, nipagawas og kamandoan ang Camp Crame nga bungkagon na ang tanang drug enforcement units sa nasod.

Si Sr. Supt. Jonathan Cabal, hepe sa Regional Intelligence Division nga nangulo usab sa Drug Enforcement Unit 7, nagkanayon nga ilang ipakatap sa laing unit ang mga sakop sa mao nga buhatan.

Apan bisan kon gikuhaan na sila sa tahas sa pagpanakop sa mga drug personality, magpadayon ang ilang pagkuhag mga impormasyon sa niadtong Pebrero kanus-a una silang gitangtangan sa mao nga tahas sa Presidente.

Sa iyang bahin, si Sr. Supt. Joel Doria, direktor sa Cebu City Police Office, niingon nga magpadayon ang ilang Oplan Pokemon bisan sa pagsuspenso sa anti drug operations.

Matod ni Doria nga epektibo ang Oplan Pokemon sa pagpakgang sa kriminalidad ug wa lang kini makatutok sa illegal drugs.

Sukad gisugdan ang Oplan Pokemon sa CCPO, tag kapin sa 100 ka mga tawo, kadaghanan kanila dunay mga kaso, ang nasikop sa kapulisan sa Cebu City.

Nag-atubang sila sa nagkadaiyang mga kaso, ang uban kanila may labot sa ginadiling drugas.