P1 B giduso nga budget ni Gullas alang sa 2018

Mayor Eduardo Gullas nangayo og P1 bilyon nga

budget alang sa tuig 2018.

Atol sa regular session sa konseho si Mayor Gullas miduso sa iyang proposed budget sa sunod tuig nga mokabat sa P1,000,885,950.

Matod sa mayor nga ang budget mas dako og 13 porsiyento itandi sa budget karong tuiga nga mokabat lang sa P887,796,775.

Si Gullas mapasigarbohon nga mipahibawo sa konseho nga ang siyudadd way utang

Iyang gibutyag kon unsay tinubdan sa maong budget nga moabot sa kapin usa ka milyon kini naglangkob sa Internal Revenue Allotment (IRA) nga mokabat sa P569 million, local ug business taxes nga mokabat sa P374 million ug local economic revenue which sa dakbayan sama sa Talisay City College (TCC), Public Market ug ang Slaughterhouse

nga ang tanan mokabat sa P57 milyones.

Samtang ang maong budget gamiton unya sama sa personal services nga mokabat sa P209 milyones, maintenance and other operating expenses nga mokantidad og P572 milyones, capital outlay P57 million, singko prsento usab sa disaster risk reduction nga mokabat sa P50 milyones ug 20 porsiyento sa development fund sa P133 million nga ang tanan mokabat sa P1,000,885,950.

Sa miaging tuig, ang mayor adunay P15 milyones nga confidential funds, apan sa sunod tuig ang mayor migahin nag P20 million pesos.

Ang confidential fund maoy kontrobersiyal kaniadto sa miaging adminitrasyon human miangkon ang mayor nga ang pipila niini iyang gihatag sa mga kabus nga moduol og, magpatabang kaniya. Apan gikuwestyon kay nagamit sa dili niya katuyoan, ang confidential fund matod pa giingong mamahimong maabusohan kay dili man kinahanglan nga mohatag kinig subay giunsa sa pag-gasto.

Samtang ang giingong wala na gitugot sa balaod nga legislative assistance financial fund sa mga konsehal padayong gigahinan og budget sama gihapon karong tuiga nga mokabat sa P15 milyones.

Gibutyag ni Mayor Gullas nga usa unya sa iyang tutokan ug gahinan og dakong pundo nga proyekto sa sunod tuig mao ang paghimog Technical Vocational Center sa merkado sa Barangay Lagtang ug ubang mga proyekto labina ang pag-ayo sa drainage system.

“Labi na libaong kaayong dan, mangutana ang tawo kinsa mayor dinhi..” dason ni Gullas.