P.5 M drugs nasakmit

Kapin sa tunga sa milyon nga balor sa shabu ang nasakmit gikan sa usa ka ginang sa Barangay Poblacion, dakbayan sa Lapu-Lapu human sa pagkasikop sa giingong pusher nga taga lungsod sa Consolacion, Cebu.

Usa ka Mildred Dacullo Palmero ang nasikop sa mga tinugyanan sa Consolacion Police Station nga gipangulohan sa hepe nga si PSupt. Mina Domingo uban sa mga operatiba sa Provincial Drug Enforcement (PDEU) Unit ug kapulisan Police Station 3 sa dakbayan sa Lapu-Lapu.

Ang maong dinakpan nakuhaan og 50 gramos nga shabu human sa gihimong buy-bust

operation kagahapon nga adunay gibanabana nga bili nga P590,000.

Ang pangalan ni Palmero gipiyait sa naunang dinakpan nga si Michella Almodiel Mancio nga mitug-an nga magkuhaan kini og supply sa shabu ngadto sa kauban ni Palmero nga giila nga si Joye Cabahug nga taga lungsod sa Compostela, Cebu.

Atol niining pagsuwat, pabiling gawasnon si Cabahug ug i-apil sa kaso nga atubangon sa naunang duha ka mga dinakpan sa kasong pagpamaligya og ilegal drugas.