No plastic day ipatuman

Gibisita sa mga opisyal sa lokal nga kagamhanan sa Ormoc City ang mga establisemento sa dakbayan aron sa pag-awhag nga di mogamit og plastic matag adlaw nga Miyerkules. Mismo si Mayor Richard Gomez, Vice Mayor Toto Locsin uban sa taga Rotary Club of Ormoc Bay ang mihimo sa pagbisita. Ang Rotary Club of Ormoc Bay ang mipasiugda usab sa No Plastic Day Campaign. “Wala pay ordinance, it’s voluntary on the part of the establishments. We are just encouraging them to promote the good practice for our environment,” matod ni City Councilor Bennet Pongos. Dugang ni Pongos, padayun pa nga giistoryahan sa konseho ang paghimo og ordinansa sa ‘No Plastic Day’ sa dakbayan.

/ PRO8 ■ TSINELAS: Si PRO8 director Gilbert Cruz nangulo sa paghatag og tsinelas sa mga bata sa Maslog, Eastern Samar diin duna usab gipahigayon nga medical mission.