Kapitan gipusil sa pulis

Kapitan sa usa ka barangay ning dakbayan ang gipusil sa usa ka pulis sud sa Police Station. Giila ang biktima nga si Nimfa Rosal, 52, taga Barangay 06, Catbalogan City. Samtang ang suspek mao si PO2 Felix Donald Verzosa, 33, nadestino sa Samar Provincial Public Safety Company. Sa taho sa Police Regional Office 8, nag-inom si Verzosa ug kauban niini nga si Baldino Custo sa Twin Restobar. Nanawag ang kapitan sa Catbalogan Police Station aron i-report nga may duha ka kustomer nga di mobayad sa ilang nainom nga beer. Miresponde ang kapulisan ug gisikop ang duha. Sud sa Police Station, samtang nag-atubang sa desk officer, nagkalalis si Rosal ug Verzosa. Gipusil ni Versoza si Rosal.