2 lalake natabunan sa lapok

Patay ang duha ka lalake nga construction worker human natabunan sa landslide sa Brgy. Libas, Lavezares, Northern Samar. Base sa spot report nga gihatag gikan sa Police Regional Office 8, giila ang duha nga sila Jonnel Nabor ug Elmer Abayon, pulos 17 anyos ug taga Brgy. Kalabog, Victoria, Northern Samar. Apan sa sunod adlaw giklaro sa PRO8 nga di na menor ang duha ka biktima. Si Nabor nagedad og 30 samtang 21 si Abayon. “Spot report yung binasihan muna natin and its not final yet,” pasabot ni P/CInsp. Bella Rentuaya, tigpamaba sa PRO8. Ang duha may gitrabaho sa usa ka construction site sa Libas Elementary School.