Kanhi Army napatay sa raid

(Napatik sa Oktubre 4, 2017)

Usa ka ex-army ang namatay human misukol sa mga awtoridad nga nagsilbi sa search warrant didto sa Purok 9, Barangay Poblacion, Nabunturan, Compostela Valley Province. Ang suspek giilang si Daz Montefolca, alyas Daks, 42, kanhi sakop sa Philippine Army. Base sa report sa Philippine Drug Enforcement Agency (PDEA) Region 11, dihang gisilbi na nila ang search warrant, kalit lang milanit sa iyang .38 kalibre revolver mao nga gineyutralisa siya. Wa damha sa awtoridad nga naantimano ang suspek hinungdan nga patay na siyang miabot sa Nabunturan Doctor’s Hospital. Dugang sa report, ang live in partner sa suspek, Nolaizah Lumiguez, nasikop sab nila sa operasyon.