Direktor sa ‘Darna’ namatay
Nitaliwan na ang beteranong direktor ug writer nga si Emmanuel “Maning” Borlaza sa edad nga 82 tungod sa heart attack.
Si Borlaza naka-direk og kapin sa 20 ka mga pelikula kauban ang award-winning actress Vilma Santos, lakip na ang “Bakit Kailangan Kita?” “Gusto Ko Siya Mahal Kita,” “Ibigay Mo Sa Akin Ang Bukas” ug ang fantasy films “Dyesebel,” “Darna and the Giants” ug “Lipad, Darna, Lipad!”
Si Maning usab ang direktor ni Sharon Cuneta sa iyang mga hit films nga “Bituing Walang Ningning,” “Bukas Luluhod Ang Mga Tala” ug “Dapat Ka Bang Mahalin.”
Si Borlaza ang nagpaluyo sa mga pelikula nilang Alma Moreno nga “Eva Fonda 16” ug “Blusang Itim” starring Snooky Serna.
Niadtong 1996, subling gidirek ni Borlaza ang mermaid
movie nga “Dyesebel” starring Charlene Gonzales.
Siya ang vice chairman sa Movies and Television Review and Classification Board (MTRCB) ug chairperson sa Directors’ Guild of the Philippines, Inc. /