Gasoline boy nga nag-viral, apil sa Mr. Universe Tourism
MANILA - Nahinumdom pa ba mo sa gwapo ug pang-modelo ang porma nga gasoline boy nga nag- viral kaniadto mga two years ago? Siya si CJ Querol ug last year, misalmot diay siya sa Misters of Filipinas ug nakuha niya ang titulong Mr. Manhunt Philippines. Wala kaayo’y taho kabahin sa iyang kadaugan. Since midaog siya sa local
pageant, siya ang representative karon sa Pilipinas para sa Mr. Universe Tourism 2017 nga ipahigayon karong Dominggo, October 15 sa Palacio de Maynila sa Roxas Boulevard.
Nakatsikahan ko si CJ ug ako siyang gipangutana kabahin sa pag- feature kaniya sa ABS-CBN kaniadto, diin may usa ka sikat nga fashion designer nga ang sabi, tabangan kuno si CJ para makasud sa modelling world. Gipasul-ob pa kaniya ang mga suit nga hinimo sa designer pero ang tubag ni CJ, hanggang interview lang kuno, way natabang ang designer.
Laing tawo ang mitabang kaniya para makasulod siya sa Misters of Filipinas last year,
special mention niya si Alex Moico. Matod ni CJ, hangtud karon pump attendant pa gihapon siya sa Sea Oil. Bisan og milyun-milyun ang
views sa iyang video, wala kuno siya ma- promote pero okey lang kay anad kuno na siya sa mga bug-at nga trabaho.
Kay broken family, bisan unsa na lang ang trabaho ang iyang gisudlan, sama sa furniture shop, tricycle driver, bakery worker, hangtod sa nasud siya isip Pump Attendant.
Gusto ni CJ nga himoan og kaugalingong balay ang iyang inahan ug mga igsoon, nga iyang gipaiskuyla. Kung unsa ang tsansa niyang modaog sa Mr. Universe Tourism 2017 ,”50-50,” tubag niya. “Kita nyo naman, ang gugwapo ng mga co-candidates ko lalo na yung nanggagaling ng Europe. Sa tingin ko, ako ang pinakamatanda sa kanila pero kakayanin ko , lalaban ako para sa Pilipinas.”
Ang Mr. Universe Tourism, puwede ang duha ka contestant sa usa ka country busa duha silang
contestant, siya isip Mr. Republic of the Philippines, ug si John Jayarr Agustin, ang Mr. Philippines. May mga countries sad nga duha ang representatives nga akong nahimamat, ang India ug Myanmar.
Well, Good luck, CJ, sa imong journey sa Mr. Universe Tourism 2017, ipakita mo ang pagka-Pinoy. /