Pul-anon

Dear Noy Kulas,

Tawga lang ko sa ngan nga Amber, taga Cebu ko pero wa ko diha gaeskwela. Ang akong problema karon kay galibog ko sa akong kaugalingon.

Akong problema nako kay mahitungod sa gugma na pud. Ako diay ang babaye nga kusog kaayo mag-ukoy-ukoy o mang stalk sa giangayan. Kon ako makaangay, buhaton nako ang tanan aron ma curious ang usa ka lalake hangtod ma- curious siya. Kana bitawng magpapansin ko, in terms of giving love letter sa anonymous nga paagi.

Di ko magpahibaw nga ako ang kanunay mag pada. So in short, Noy Kulas, buhaton nako ang tanan para moangay ang lalake nako sa hustong paagi,. Di gud pang easy to get ba. Once na fall na siya nako, maka feel na ko nga di mao. Ako na puy di ganahan, murag wa nay feeling. Kanang nawa ra ang tanan. So, mao na ang suliran nako karon, Noy Kulas, kay sa mga nilabay nakong kauyaban, mao rani hinungdan nga magbuwag mi kay tungod sa akong usa ka feeling nga dili mabangbang.

Unsa may ika hatag nimo nga maayong tambag, Noy Kulas, base aning akong usa ka emotion nga di masabot. Thank you and more power. AMBER Amber,

Naa koy duha ka mga higala. Ikaw ang ilang babaye nga bersyon. Kana bang tawo nga madly in love with the idea of love. Nagsige og gukod sa gugma, apan wa mapalgi o makit-I ang gugma. Kay sa pagsugod pa lang daan, physical attraction ang gisukaran, apan dihang nasuod ug nauyab na, wa diay masulod sa ilang gipantasya nga hinigugma. Daghan og expectation, apan wa ma meet ang gipaabot. Sa ato pa, kuwang sa templa.

Suwayi nga makigsuod ka sa lalake. Ayaw i- pursue. Just pure friendship lang sa sinugdan. Obserbahi ang iyang pagkatawo ug ang imong feeling kon duna bay mga kalamboan. Kon naa, mas labing maayo. Kon wa, ayaw pahigugmaa ug palauma ang lalake.

Ikaduha, di maka expect ang lalake nga mo- serious ang imong feeling kay batan-on ka pa. Mao ni ang usa sa mga rason nganong ingon niana ang imong pagbati karon, dali rang mapul-an. Maybe moabot ang panahon nga mo- mature na ang imong panghuna-huna, maka serious ka na. NOY KULAS