YG, RCB 2-0 sa Aduana basketball
Temporaryong nagsawo sa liderato ang YG Logistics and Brokerage ni Art Gonzales ug ang Rongcales Customs Brokerage (RCB) human kini makarehistro sa ilang ikaduhang sunodsunod nga kadaugan sa nagpadayon nga Aduana Legends basketball tournament sa San Roque gym, ning dakbayan.
Ang YG Logisitcs milampurnas sa undermanned nga JD&M Brokers, 81-44 samtang gilubong usab sa RCB ang ECU Worldwide, 70-57.
Tulo ka players sa YG ang mibahug og double figures nga naglakip kang Jerry Jaca kinsa mihipos og 11 puntos.
Si Gonzales, ang giilang rebounding monster sa liga, mipuga og nuebe puntos gawas sa iyang kapin sa napulo ka rebounds.
Maayo unta nga nakaduwa si Jun Borromeo sa JD&M kinsa mitapos sa duwa nga may 20 untos apan ang kakuwang sa suporta sa iyang kaubanan sa opensa maoy dakong hinungdan sa ilang kapildihan.
Niini pinaagi nil ani Janno Boniao ug Jun Gayo, mohangyo ang JD&M Brokers sa mga nagpasiugda nga modugang og mga players sa sunod season.
Sa laing bahin, miburak og 25 puntos si Loreto Castillo aron pangulohan ang RCB samtang parehong may 15 puntos matag usa silang Mike Canal ug Javer Deniega alang sa ECU kinsa aduna nay 1-1 nga baraha. Unang duwa: YG Logistics (81) - Labana 15, Rodriguez 14, Jaca 11, Gonzales
9, Sullano 7, Bejoc 6, Pastor 5, Deligero 4, Velez 4, Respecia 2. JD&M (44) - Borromeo 20, Publico 6, Matibag 4, Alolod 4, Lopez 3, Cabase 2, Nacario 1.
RCB (70) - Castillo 25, Rongcales 8, Velarde 6, Agustinez 6, Amahit 5, Tan 4, Minoza 2, Engracial 2, Batuto 2.ECU
Worldwide (57) - M. Canal 15, Deniega 15, Mondin 9, Guirit 8, Taladua 5, Canete 5, B. Canal 4, Sumergido 2.