SCHOOL BUS NATUWAD SA OSLOB

Luwas ra ang tanang sakay sa school bus sa usa ka tunghaan sa Minglanilla human nawagtangan og brake ug natuwad sa national highway sa Sitio Catadman, Barangay Bonbon, lungsod sa Oslob, habagatang Sugbo, kagahapon sa buntag.

Sakay niini ang 22 ka mga magtutudlo ug madre lakip na ang nag- drive niini nga si Roy Cubil, 33, opisyal nga drayber usab sa Immaculate Heart of Mary Academy.

Matod ni PO1 Julius Sumilhig sa Oslob Police nga alas 6:00 sa buntag dihang paingon sa habagatan ang maong grupo dihang nawagtangan kini og

brake sa maong dapit. Ang mini school bus (150106) natumba ug ginagmay lang nga mga samad ang naangkon sa mga magtutudlo ug madre.

Gidala sa Oslob District Hospital ang pipila sa mga biktima samtang ang uban gidala sa tambalanan sa Cebu City.

Nagkasabot ra usab ang drayber ug ang mga sakay niini nga buhian ra kini.