BUKOBUKO SA BAKA GITUBOAN OG TIIL
Gidagsaan sa mga turista ang usa ka farm sa China gumikan sa binuhi nga baka kansang bukobuko dunay nitubo nga tiil.
Ang pito ka buwan nga baka nadiskobrihan sa Zhanjiang, China.
Sa taho sa Mirror News, nahibaw-an nga naa sa maayo nga kahimtang ang baka.
Ang mananap gituohan nga dunay polymelia, usa ka disorder diin dunay sobra sa naandan nga mga tiil o kamot ang motubo sa lawas. Kini nga kondisyon dili komon sa mga mananap.
Gibanabana nga upat sa matag 100,000 ka baka nga matawo ang duna niini nga kondisyon, sumala sa National Geographic. /