1875 ka techvoch scholars
Moabot og 1875 ka mga techvoch scholarship slots ang gi-award ngadto sa Kilusang Pagbabago Visayas sa miaging Lihok Suporta 2 rally sa grupo.
Tipik kini sa 10,000 ka mga scholarship slots nga gi-commit sa Tesda human nagpirmahay kining maong ahensiya og usa ka memorandum of agreement sa Office of Participatory Governance (OPG) isip lakip sa programa batok sa kakabus.
Matod pa, matag rehiyon sa Visayas dunay 625 scholarship slots.
Dinhi sa Sugbo, padayon ang pagdawat karon og mga aplikasyon alang sa mga sakop sa KP ug mga sakop sa pamilya nga gusto mo-avail. Ang deadline mao karong Oktubre 30.
OPAV?
Manghinaot ko nga di kini mao ang gipasabot sa Office of the Presidential Assistant for the Visayas nga mga kaayuhan nga gipanghatag sa usa ka grupo nga ilang gipasanginlang nagpaka aron-ingnon nga pro-Duterte apan wala diay.
Kining maong grupo nga wala ginganlan ang ilang gipasanginlang hinungdan nganong niubos ang satisfaction ratings sa tibuok Visayas ni Presidente Rodrigo Roa Duterte.
Ila pang gisumbong tahay sa National Bureau of Investigation ug sa Criminal Investigation and Detection Group (CIDG) sa kapulisan.
Apan hilom kaayo ang OPAV kabahin sa nagbagang isyu kabahin sa Yolanda Housing nga unta gitahasan man sila ni Presidente Duterte nga moateman niini.
Hapit na intawon ang ikaupat nga anibersaryo sa bagyong Yolanda. Mo-usa na ka tuig nga si Opav gihimong Yolanda housing czar ni presidente.
Imbes moesplikar, nangita hinuon og laing kapasanginlan ang Opav sa negatibong epekto sa popularidad ni Presidente Duterte. Giangin pa ang NBI ug CIDG.
MANDATE
Manghinaot lang ko nga dili Kilusang Pagbabago ang buot gipasabot sa Opav kay naa bayay klarong mandato ang KP ug ang OPG kabahin sa pagduso sa giingong “participatory governance” pinaagi sa Kilusang Pagbabago.
Naa kini gilatid sa Philippine Development Plan 2017. Palihog lang, paghimog
“due diligence” aron hapsay ang pagpakanaog sa maong programa ug di sila makaingon nga gibabagan sa ubang ahensiya sa kagamhanan.
SELFIE
Wa pa mahuman ang pagtanom sa mga artificial white roses dihang niagi ko sa City Time Square 2 sa miaging semana dihang dihay gamayng kasaulogan ang akong manghod sa iyang promosyon. Apan nahuman na diay kini dihang nabalik ko sa miaging Biyernes.
Hinuon, ma- conscious man intawon ta nga mao rang usa magselfieselfie mao nga plano kong magdala og mga kuyog inig balik.
Hapit na intawon ang ikaupat nga anibersaryo sa bagyong Yolanda. Mo-usa na ka tuig nga si Opav gihimong Yolanda housing czar ni presidente.