Kim Chiu manghadlok karong kalagkalag
Sa umaabot nga kalag-kalag showing na ang pelikulang “Ghost Bride” sa Star Cinema ug ang bida ang chinita princess Kim Chiu sa direksyon ni Chito Rono.
Usa ka horror film kini, diin diha nabantug ang director Chito sama sa “Feng Shui” ni Kris Aquino, “The Healing” ni Vilma Santos ug Kim Chiu ug uban pa. Reunion movie sab kini ni Kim Chiu ug sa iyang leadingman sa teleseryeng “Binondo Girl” nga si Matteo Guidicelli ug ikatulong panaguban nilang Kim ug direk Chito.
Mayen ang papel dinhi ni Kim nga may problema financially hangtud nga nagkita silang Alice Dixon, ang matchmaker nga nihimo niyang ghost bride.
Usa ka Chinese tradition ang gigikanan sa maong istorya mahitungod sa mga nagpakasal na sa patay o pulos patay ang nagminyo ug dinhi musolod ang Kim Chiu isip ghost bride.
Andam na ba mo sa paglingkod ni Kim Chiu isip horror princess ug kalimtan na ang iyang titulong chinita princess? Kining tanan matubag karong kalag-kalag sa opening mismo sa pelikula sa Star Cinema, ay’g saba!
Wala na ang “Alempoy” kay giilisan na ni Empoy Marquez si Alessandra de Rossi kang Shy Carlos sa bag-o ining pelikulang “The Barker” sa direksyon ni Dennis Padilla.
Morag gikulbaan si Empoy sa “The Barker” kay kinahanglan nga maapsan niya o dili ba kaha mapantayan lang ang kita sa boxoffice movie niya nga “Kita kita.”
Sikat na gyud si Empoy kay gawas nga ginganlan na siya karon og Rene Requiestas sa bag-ong panahon, feeling Piolo Pascual sab ang komedyante. Tiaw mo ba’y gikomparar diay siya ni Piolo sa iyang leading lady labi na sa ilang kissing scene sa pelikula?
Super swerte ang Empoy Marquez kay dili kini mahutdan og proyekto. Gawas kang Piolo, feeling Coco Martin sab kini sa usa ka komersyal.
Ang pangutana karon human ni Alessandra de Rossi swertion sab kaha ang iyang bag-ong partner nga si Shy Carlos sa “The Barker”? Tubag. ay’g saba!