Sexual harassment vs. Steven Seagal
Human ni Harvey Weinstein, ang influential movie producer ug co-owner sa higanteng film outfit sa Hollywood nga Miramax nga nag-atubang og patongpatong nga kasong sexual harassment, kontrobersyal sad karon si Steven Seagal.
Kini tungod sa rebelasyon sa Inside Edition correspondent nga si Lisa Guerrero ug uban pang Hollywood stars sa nahitabo nila sa kamot ni Seagal.
Ang Newsweek nagpagawas og report sa reklamong sexual harassment ni Guerrero batok ni Seagal dihang ni-audition siya sa iyang pelikula niadtong 1996.
Gipagawas sa Newsweek ang report human sa courtesy call ni Seagal kang Presidente Rodrigo Duterte sa Malacañang Palace niadtong Huwebes.
Si Guerrero, 53, giingong gipatawag ni Seagal, 65, sa iyang balay sa Beverly Hills alang sa private rehearsal pagkagabii. Apan wala na siya mobalik tungod sa kahadlok ug tungod niana kalit siyang giilisan ni Marg Helgenberger isip leading lady sa 1997 movie nga Fire Down Below nga dapat unta para sa iya.
Nitug-an sad si Jenny McCarthy, kanhi Playboy Playmate ug ex-girlfriend sa Hollywood actor Jim Carrey, dihang gipahubo siya ni Seagal sa usa ka casting session.