Fajardo dako og poruhan nga ma-MVP ra gihapon

Bisan wala nakasulod sa finals ang San Miguel Beermen sa Philippine Basketball Association (PBA) Governor’s Cup conference, ang higanteng Sugbuanon nga si JuneMar Fajardo hayaghayag gihapong makakulit og kasaysayan nga silangan-sa-imposible nga mabuak.

Ang sentro sa Beermen padayong nag-una sa statistical points sa inilugay sa 2017 MVP title ug kon mahitabo, ikaupat kini niyang sunodsunod nga maangkon nga sukad wala pa’y nakahimo.

Sila si Alvin Patrimonio ug Ramon Fernandez parehong nakakuha og tag upat ka MVP titles apan dili lang kini sunodsunod sama sa nahimo sa lumad nga taga lungsod sa Pinamungajan, Cebu.

Kon buot hunahunaon, ang paglangkat ni Fajardo og tulo ka sunodsunod nga MVP awards usa na ka rekord.

Ang produkto sa University of Cebu (UC) Webmasters adunay 38.58 SPs diin nabiyaan niya og dako ang nagsunod kaniya nga ang iya ra sab kaubang pointguard nga si Alex Cabagnot, kinsa mitali og 32.96 SPs.

Naa sa ikatulo mao si GlobalPort Batang Pier pointguard Terrence Romeo, kinsa adunay 32.01.

Naa sa ikaupat si Jayson Castro sa Talk N’ Text KaTropa (31.42) unya ikalima ang laing sakop sa Beermen nga si Arwind Santos (30.97).