CHONGHUA MITUBAG SA PRO 7

Gitubag na sa management sa Chong Hua Hospital ang gipadalang suwat ni Police Regional Office (PRO) 7 Director Jose Mario Espino kalabot sa giingong pagbalibad sa usa ka hospital

staff nga ma- admit ang usa ka pulis sa dakbayan sa Talisay nga napusilan ni anhing Jessie Largo sayo ning semanaha. Si Dr. Joanne Cosin, SVP for

clinical operations, nisulti sa SunStar Cebu nga nitubag na sila sa suwat ni Espino nga gipadala niadtong Oktubre 17.

Apan wa na siya mohatag og detalye kon unsa ang iyang tubag kay di siya gustong unhan si Espino.

Si Espino niingon sa SunStar Cebu nga wa pa siya makabasa sa suwat.

Samtang, si Cebu City Mayor Mayor Tomas Osmeña nipahimangno sa tambalanan nga di siya magpanuko sa paghimog lakang kon masubli pa ang hitabo nga ilang balibaran ang pulis nga maangol atol sa operasyon sa higayon nga malandig sa ilang tambalanan.

Ang pamahayag ni Osmeña nitumaw human gibalhin si P03 David Naraja Jr., ngadto sa Cebu Doctor’s Hospital gumikan kay gipangayuan sila og P10,000 isip deposit sa usa ka staff sa di pa tambalan ang pulis nga naangol gumikan sa ilang pagdakop ni Largo, kinsa namatay kay nisukol. Ang mayor nagkanayon nga

high priority alang kaniya ang mga pulis sanglit mao kini ang kaabag sa pagpatuman sa kahapsay ug kalinaw sa nasod labi na sa dakbayan sa Sugbo.

Si Osmeña nibutyag nga andam siyang mopatunga tali sa PNP ug Chong Hua kon dili mahilot ang maong isyu. /