2 ka jail guards, kawani sa CPDRC gipatubag sa Kapitolyo
Gisuspenso nga mga jail guard ug kawani sa Cebu Provincial Detention and Rehabilitation Center (CPDRC) gipadalhan na og notisya aron pagpatubag kanila sa reklamong nagung-ong batok kanila sa Committee on Discipline and Investigation (Codi).
Tungod sa pagkuwang ug mga gwardiya sa provincial jail, nag- hire og dugang watchmen ang Kapitolyo nga makatabang og bantay sa pasilidad.
Dungan sa pagsuspenso sa 12 ka mga personnel sa CPDRC tungod sa giingong kalambigitan sa pagpalusot og mga kontrabando sa prisohan, gisang-at usab ang reklamo labot niini sa Codi.
Gihatagan og lima ka adlaw ang maong mga kawani sa pagtubag sa pasangil ug pag-isplikar nganong di sila angay pasakaan og kaso.
Matod ni Provincial Human Resource Officer Bonifer Nacorda tukion ang isyu sa batok sa CPDRC guards atol sa Codi session sa Miyerkules sunod semana.
Giangkon ni Nacorda nga niresulta sa pagkuwang og gwardiya sa CPDRC ang suspensiyon sa 12 ka mga kawani.
Apan matod niya, dunay dugang 20 ka mga watchmen ang gi- hire aron maka-augment pagbantay sa seguridad sa provincial jail. Wa pa kini labot sa 14 ka watchmen, nga una nang gidestino sa CPDRC.
Giklaro hinuon sa HR nga dili makahimo sa responsibilidad sa mga prison guard ang mga watchmen sama na lang sa pag- escort sa mga piniriso sa ilang hearing ug uban pang buluhaton.