Tug of war
Binirahay- binunlotay tali sa BOPK ug Team Rama. Mayor Tomas Osmeña misang-at og kaso batok ni kanhi Mayor Mike Rama ug unom ka mga department heads nga nalambigit sa transaksyon sa paglabay og basura sa Asian Energy Systems Corp. sa Polog, Consolacion nga walay kontrata. Kaso sa paghatag og 20,000
calamity assistance matag kawani hinoon gibasura sa Ombudsman ug ang pag- rally panahon sa oras sa trabaho. Konsehal Margot Osmeña mipasaka og kaso batok sa 47 ka mga kapitan nga wala mouli sa giisyo nga sakyanan alang sa inbentaryo hinoon gisalikway sa Ombudsman.
Reklamo batok Konsehal Joy Pesquera ug Rama kon asa na ang donasyon sa gawas sa nasod alang sa katukoran sa CCMC. Gibira ang mga konsehal hinungdan nga nakaangkon sa simple majority diin ang bise mayor makaapil sa quorum apan dili i-apil sa botasyon mointra lamang aron pagbugto sa tie o tabla.
Siyam ka mga konsehal sa BOPK samtang walo sa Team Rama. Iya na sab unta sa Team Rama ang mayoriya sa pagkatudlo ni Junjun Osmeña hulip ni Konsehal Hanz Abella nga midawat sa tanyag isip
commissioner sa NLRC apan mibali na sab ang mayoriya sa BOPK human ang Ombudsman mipalagpot sa katungdanan ni Konsehal James Cuenco kabahin sa kahiwian sa Tony N Tommy Health Program sa PDAF ni kanhi Rep. Tony Cuenco.
Mibalos ang Team Rama. Kaso nga gipasaka ngadto sa Office of the President batok konsehal Sisinio Andales nga nakadawat og sakyanan ug representation and transportation allowance nga unta usa lang ang gitugot.
Konsehal Jun Alcover ngadto sa Office of the President batok Osmeña sa paghatag og cash reward ngadto sa mga polis nga nakapatay og durogista diin kalapasan sa Sec. 3 sa Anti-Graft and Corrupt Practices Act (RA 3019), pagtudlo sa asawa Margot nga deputy mayor diin usa ka nepotismo ubos sa Ethical Standards of Public Officials and Employees (RA 6713), pagtudlo sa mga alyadong konsehal nga deputy mayors diin kalapasan sa Article 444 sa Unlawful Appointment, pagpahigayon og flag ceremony sa City Hall kausa lamang sa usa ka bulan diin kalapasan sa Flag and Heraldic Code of the Phil. (RA 8491).
Apas Barangay Capt. Ramil Ayuman ngadto sa Office of the President batok Osmeña ug Margot nga gilabayan og balik ang kasikbit sa Inayawan landfill ug ang pag-angkon sa duha ka Dodge Charger vehicles nga gidonar sa Bigfoot ngadto sa city govt. nga unang giakusar ni Rama nga indirect bribery apan gibasura sa Ombudsman. Ayuman ngadto sa Ombudsman batok Osmeña ug Treas. Tessie Camarillo sa hulga nga bakwion ang nabaligya nga lote sa SRP.