2 ka patrol cars paliton sa Talisay

Gipahibawo ni Mayor Eduardo Gullas sa dakbayan sa Talisay nga posibli karong buwana ila nang mapalit ang duha ka sakyanan nga himuong patrol car base sa hangyo sa kapulisan.

Matod sa mayor nga padayon karon ang ilang pag-canvass sa mga sakyanan aro ila na kining mapalit ug mahimong patrol car.

Una niini si Supt. Jason Villamater hepe sa kapulisan sa Talisay mihangyo sa mayor ug dugang sakyanan nga magamit sa ilang inadlaw-adlaw nga operations.

Nagkanayon si Gullas nga aduna silay igong pundo alang niini hinungdan nga dili kini lisod ang hangyo sa kapulisan ngadto kaniya , ilabi nay kay sento porsento gayod siya nga nagpaluyo sa kapulisan .

“Ako man gisaaran pag report

ni Villamater nga I’ll give him full support. This is now my commitment because i know he will be good for the police department,” matod ni Gullas. Mapasalamton siya nga nadistino sa Talisay si Villamater kinsa iyang gihulagway nga maayong opisyal.

Si Villamater miingon nga mapasalamaton siya sa mayor nga gitubag ang ilang request, iyang gibutyag nga tulo ka mga sakyanan ang iyang gihangyo ang duha patrol cars, usa unmarked car, nga magamit sa ilang operasyon.

Samtang, si City administrator Atty. Rudelyn Navarro miingon nga mas maayo ang ilang paliton nga sakyanan mokantidad lang og tag P800 mil matag usa aron dili sila maglisod sa pagpalit ug mahatag dayon ngadto sa kapulisan.