Barbie-Ken loveteam subhan sa pelikula
Unang higayon nga mag-partner sa pelikula silang Barbie Forteza ug Ken Chan sa “This time I'll be sweeter” sa Regal Entertainment.
Una nato silang nasaksihan sa teleseryeng “Meant to be” sa Kapuso network diin nakauban pa ni Barbie ang ubang boys nga silang Jak Roberto, Addy Raj ug Ivan Dorschner.
Dinhi namugna ang “Kenbie” nga loveteam nga gisuportahan sa kadaghanan.
Sa movie trailer sa “This time I'll be sweeter”, makita nga estudyante dinhi si Barbie nga na-obsessed kang Ken, kinsa myembro sa swimming team sa ilang eskwelahan.
Nagkarelasyon sila apan natapos sa heartaches.
Paglabay sa pila ka tuig, nagkasugat og balik ang ilang dalan. Apan may love pa ba sila sa usag-usa? May chances bang magbalik sila human nasakitan ug maayo ang babaye?
Mao ni ang pipila ka mga pangutana nga matubag sa inyong pagtan-aw sa maong pelikula karong sunod buwan. Makauban nila sa “This time I'll be Sweeter” silang Akihiro Sato, Jai Agpangan, Neil Sese, Kim Rodriguez,Hiro Peralta, Rey Pj Abellana ug Ara Mina sa direksyon ni Joel Lamangan. Ay'g saba!
Nauso na sab og balik ang horror films karon gikan sa “The Debutantes” karong umaabot kalag-kalag sugaton usab nato si Kim Chiu sa pelikula ni Direk Chito Rono nga “The Ghost Bride”, anaa sab ang “Spirit of the Glass 2.”
Way siguro gani nga magtigi sa takilya ang duha ka pelikula. Showing na karong adlaw sa mga patay ang “The Ghost Bride” ni Kim Chiu ug ang “Spirit of the Glass 2” nilang Cristine Reyes, Daniel Matsunaga, Maxine Magalona ug Benjamin Alves, ay'g saba!
Sobrang swerti ni Empoy Marquez kay wa pa gani gisalida ang The Barker, may bag-o na sab kining pelikula, ang “Kusinero King” sa Star Cinema diin makauban niya si Zanjoe Marudo nga idolo usab niya sa kaguapohan.
Niangkon ang Empoy nga si Zanjoe maoy gisundan niya sa pamuhok kay pareho sila ug hairstyle, ay'g saba!