Dugang pagtuon sa pederalismo
Namahayag si Presidente Rody Duterte nga andam siyang manaog sa katungdanan kon mausab na ang sistema sa atong panggobyerno ngadto sa pederalismo.
Ang pederalismo usa sa iyang plataporma de gobyerno sa iyang kampanya sa pagkapresidente sa miaging eleksyon, gawas sa pagpuhag sa krimen, illegal nga drugas ug kurapsyon sa gobyerno.
Ang pederalismo mao ang sistema nga gigamit sa daghang mga nasod sama sa Estados Unidos sa Amerika, Mexico, India, Canada, Brazil, Australia ug uban pa.
Ang atong sistema karon sa gobyerno mao ang usa ka unitary system diin ang usa ka central government mao ang nagpadagan sa tibuok gobyerno.
Ubos sa pederalismo, adunay central government ug
regional government nga parehong dunay mga gahom sa pagpanday og mga balaod ingon man sa pagkolekta og buhis ug uban pang gahom sa gobyerno.
Apan dunay konsuylo ang atong sistema pinaagi sa Local Government Code nga nag- devolve sa ubang mga gahom sa gobyerno nasyonal ngadto sa kagamhanang lokal. Ang pangutana karon mao kon andam na ba ang Pilipinas sa kausaban ngadto sa pederalismo? Unsa man ang ipatuman, presidential-federal o parliamentarysystem?
Si Australian professor Paul Hutchcroft niingon nga kinahanglan pa ang usa ka subsob nga pagtuon sa sistema nga angay nga sagupon sa Pilipinas.
Si Hutchcroft, usa ka political and social change professor sa Australian National University, niingon nga motumaw ang mga rehiyon nga lig-on ug huyang, busa, ang maayo alang sa usa ka rehiyon hayan di mosaler sa laing rehiyon. Ang pederalismo di “one
size fits all,” matod pa niya.
Ang atong sistema karon sa gobyerno mao ang usa ka unitary system diin ang usa ka central government mao ang nagpadagan sa tibuok gobyerno.