MAG-RELAX TA SA BLUERIDGES RESORT
Gusto kaba nga maligo og
pool nga imong makita ang kabukiran sa usa ka lungsod ug usa ka siyudad? Makita usab ang kadagatan.
Mao kini ang Blueridges Mountain Resort imong makita sa Sityo Upper Mohon, Barangay Can-asujan, siyudad sa Carcar.
Usa sa nakapaagni niini ang taas nila nga slides ug makita ang kabukiran sa siyudad sa Carcar ug ang kasikbit niini nga lungsod sa San Fernando. Adunay duha ka dagko nga
pool ug adunay pambata. Ma- relax ang imong huna-huna tungod sa kamingaw sa palibot ug ang kabugnaw sa dapit.
Adunay mga cottage nga naglibot, mga lawak alang niadtong gustong mag- overnight.
Ang pool bukas hangtod sa alas 10:00 ang takna sa gabii.
Adunay entrance nga P100 alang sa mga dagko ug P50 sa mga bata.
Ang mountain resort may gilay-on nga 40 kilometros gikan sa siyudad sa Sugbo, lima ka kilometros gikan sa main highway ug kapin sa usa ka oras ang pagbiyahe ug P60 ang plite sa bus.
Kun gikan ka sa siyudad sa Sugbo, manaog ka sa eskina Barangay Sangat, lungsod sa San Fernando ug magpahatod sa habal-habal paingon sa resort nga P50 ang plite sa matag pasahero. Alang sa magtiayon adunay
couple room, adunay family room ug alang sa barkada adunay nipa hut nga mosud og 10 ka tawo.
Si Annabel Aranas nagkanayon nga ang overlooking, kalimpyo sa palibot ug presko nga hangin ang nakabintaha kanila kun itande sa ubang resort.
Si April Ando nga taga Talisay, nagtrabaho sa banko una pa nga higayon nga nakabisita sa resort nagkanayon nga nindot ang lugar ug wa mausik ang ilang panahon nga nakabisita sa resort. /