Soberano: Industry Entrepreneur of the Year awardee

SI Cebu Landmasters, Inc. (CLI) chief executive ofcer Jose Soberano III gipasidunggan isip “Industry Entrepreneur of the Year” sa Ernst and Young niadtong Oktubre 18 sa awards banquet sa Makati Shangri-la Hotel. Si Soberano usa sa 19 ka outstanding finalists nga nagrepresentar sa enterprises gikan sa nagkalainlaing industries

nationwide nga gipili sa Entrepreneur of the Year (EOY) Philippines sa pagpangita sa labing makadasig nga negosyante.

Ang “Industry Entrepreneur of the Year” usa sa upat ka mga pasidungog nga gihatag sa EOY Philippines.

Ang EOY Philippines usa ka programa sa SGV Foundation, Inc., uban sa partisipasyon sa copresenters Department of Trade and Industry (DTI), Philippine Business for Social Progress, ug Philippine Stock Exchange.

Si Soberano gihatagan og pasidungog sa talagsaong papel sa Real Estate industry. Siya giila sa pagtukod sa CLI, diin usa sa top local developers sa Visayas ug Mindanao, sa pagtubag sa panginahanglan sa kalidad ug baratong residential estates, offices, condominiums, hotels ug mixed-use projects. Si Soberano giila usab nga Entrepreneur of the Year sa Cebu Chamber of Commerce and Industry. “We have worked very hard to put CLI to where it is today and to make an impact on the lives of

many Filipinos. This would not have been possible if not for the never-ending support of my family and the CLI employees who are part of my extended family,” matod ni Soberano.

Sa miaging 14 ka tuig, ang CLI nipagawas sa fast-selling high-end, mid-market ug economic housing real estate developments. Ang CLI bag-ong nahimong public sa Philippine Stock Exchange.

“What inspires me now is to build a company that can last many generations. What further fuels us as a family-oriented company is the goal to become the leading homegrown real estate developer in the Visayas and Mindanao region by 2020,” matod ni Soberano.