GINEBRA, MERALCO MAGTIWAS SAG#7
Gipaaabot nga mosugwak na usab sa tagsatagsa ka mga dumadapig ang Philippine Arena karong gabii sa dihang magtiwas ang
crowd-favorite Barangay Ginebra ug ang title-hungry Meralco Bolts sa ilang finals
series sa PBA Governors’ Cup sa Bacaue, Bulacan.
Niadtong Miyerkules sa Game 6 sa ilang best-of-7 finals, ang Meralco mitabla sa serya, 3-3, pinaagi sa pagkulit og 98-91 nga kadaugan atubangan sa 53,642 nga mga misaksi sulod sa pinakadako nga indoor arena sa tibuok kalibutan. Kadto maoy bag-ong record sa attendance nga nakulit sa kasaysayan sa PBA ug hayan posibling mabuak pa kini karong gabii.
Human mapakyas pagtapos sa Game 6, ang Ginebra mipahigayon kagahapon og
closed door nga ensayo nga gani hasta ang mga mediamen gidid-an sa pagsulod. Ang mga security personnel hugot nga nagbantay sa Upper Deck Sports Center mipasabot nga mibabag sa mga
fans sa pagsulod aron pagtan-aw sa ilang mga idolo.
Hinuon kasagaran sa ilang mga fans misabot ra usab sa sitwasyon tungod kay mas gitutokan sa team karon mao ang pagdepensa sa ilang titulo.
Dunay nanguli apan aduna usay nagpabilin nga naghuwat kon kanus-a mahuman ang praktis. Si Justin Brownlee, nanaad nga kon unsay iyang nabuhat sa miaging tuig, mao kini gusto niyang buhaton sa Game 7.
Kon kahinumdoman, ang tres ni Brownlee maoy nakapachampion sa Kings ning susamang conference sa niaging season.
Apan ang import sa Meralco nga si Allen Durham nagpanikad na usab nga matuman na ning higayona ang wa niya mahimo sa niaging tuig.
"This is why I came back. I came back to have another opportunity to win a championship," matod ni Durham. Gawas kang Durham, si
coach Norman Black mosandig usab sa iyang mga locals nga pangulohan nila ni Reynel Hugnatan, Garvo Lanete, Chris Newsome, Jared Dillinger, Cliff Hodge ug Baser Amer.