SMB-Kia trade gipikhan sa team owner sa Alaska
Gipikhan ug gisaway ni Alaska team owner Wilfred Uytengsu ang alang kaniya ug sa ubang teamowners nga dili makiangayong
trade tali sa San Miguel Beer ug sa Kia Picanto nga karon nagkinahanglan na lang og approval sa Commissioner’s Office.
Matod ni Uytengsu, kanhi chairman sa PBA, nga ang konsepto sa drafting mao ang pagpalig-on sa huyang nga mga teams, butang nga sukwahi alang sa lega ug kon mahinayon man gani kining kasabutan tali sa Picanto ug sa Beermen.
“The purpose of the draft is to strengthen the weaker teams. However, what we have seen lately is these weaker teams end up selling their top draft picks because if you look at who is being traded in return, it clearly doesn’t make basketball sense for the weaker teams, unless there is
other consideration,” pasabot ni Uytengsu sa iyang pamahayag niadtong Miyerkules.
Ubos sa maong trade nga gisumiter na karon sa Commissioner’s office sa niaging semana, ang KIA mobaylo ngadto sa ilang no. 1 overall
pick sa umaabot nga drafting bugti sa mga players sa San Miguel nga sagad mga reserves.
Ang 6-8 nga Fil-German ug Gilas stalwart nga si Christian Standhardinger maoy gilantawan nga maoy no. 1
overall pick karong tuiga. Si PBA Commissioner Chito Narvasa, hangtod ning pagsulat, wala pa makadesisyon kon aprobahan o dili ba ang maong kasabutan tali sa duha ka mga teams.
Nagduda usab si Cone kon nganong ang San Miguel ug ang Barangay Ginebra nakahimo og pagpunpon sa mga first round picks nga daw sa
wa motamod sa salary cap sa lega.