Who’s Next 5 boxing karong gabii

Eksperiyensiya ibabaw sa ring maoy sandigan ni Jhaleel Payao karong gabii sa dihang iyang depensaan ang Philippine Boxing Federation (PBF)bantamweight title batok sa dili usab ka kompiyansaan nga si Raul Yu sa main event sa Who’s Next? 5: Civil War diha sa Mandaue City Cultural

and Sports Complex.

Aduna man tuoy kusog nga ikabuga si Yu kinsa lumad nga taga Butuan City, apan ang kahanas ni Payao maoy dakong bintaha, matod pa sa iyang trainernga si Jinggoy Junco.

“We are confident. I trust Payao in this fight. Our advantage is our experience and ring

IQ. We will dictate the fight. I know Jhaleel fights intelligently,” matod ni Junco sa dihang gikahinabi sa Sun.Star Cebu.

Ang 24 anyos nga Payao nga ubos sa Omega Boxing Stable, mipupo og upat ka sunodsunod nga kadaugan human sa iyang unang kapildihan niadtong 2015 batok ni Michael Dasmarinas.

Hinuon nagtuo si Junco nga makahatag og saktong kombati sanglit usa man u-

sab kini sa mga giingong promising fighters.

Samtang si Payao naghupot og record nga 15-1, si Yu, 23, sa iyang bahin, adunay 9-22 nga baraha lakip niini ang iyang uwahing kapildihan sa mga kamot ni Jade Bornea alang sa bakanting IBF Youth

super flyweight fight didto sa General Santos City.

Modugang og kaikag sa maong boxing promotion mao ang away sa supporting bouts nila ni Jason Canoy nga may 26-7-2, 7KOs nga baraha mosuway sa katakos ni Renerio Arizala kinsa mao untay orihinal nga kontra ni Payao.

Ikabagat usab ni Kenny Demecillo (12-4-2) si Gerpaul Valero (21-19-4, 15KOs) sa away nga gituohang maoy mokuha sa atensiyon sa kagabhion. Ang wa pay pildi nga si TomJune Mangubat giparang usab batok ni Crisanto Contemprato (6-3-1, 4 KOs).