Zumba Challenge sa Ayala, Nob. 25
Nagpanikad na ang mga babayeng mahiligon sa zumba sa pagpahigayon sa “1st Shape Your Body Dance Fitness Challenge 2017” karong Nobiyembre 25 sa Ayala Terraces.
Mao kini ang gibutyag sa usa sa mga nagpasiugda sa kalihukan nga si councilor Jerry Guardo, deputy mayor for sports sa konseho sa dakbayan sa Sugbo, kagahapon atol sa opisyal nga paglusad sa kompetisyon sa usa ka kananan sa Mango avenue. “In our observation, a lot of women are actively into zumba in the different barangays. This is why we came up with the idea of staging this competition so that these women can showcase their talents,” matod ni Guardo.
Ang nagpasiugda sa kompetisyon pinaagi sa Cebu City Sports Commission (CCSC), naggahin og P100,000 alang sa kinatibuk-ang ganti diin P50,000 ang makuha sa kampiyon. Ang 2nd placer makadawat og P30,000 samtang P200,000 sa 3rd placer.
Ang usa sa mga nag-organisar nga si Lovena Guardo nagkanayon nga niini pa lang pun- toha, aduna na’y upat ka mga grupo ang nakaparehistro. Ang matag grupo langkuban og 15 ngadto sa 25 ka mga miyembro.
“We are expecting nga daghan ang mangapil kay dako na kaayo ang zumba community sa Cebu,” matod ni Lovena, bayaw ni Councilor Guardo.
Nidugang si Lovena nga kutob ra sa 16 ka mga grupo ang ilang dawaton ning inisyal nga nilang pagpahigayon sa kompetisyon. Ang rehistrasyon nagbalor og P500 matag miyembro sa grupo.
Alang sa dugang mga impormasyon, motawag sa usa ni Jacquilyne Abellar sa numero 0933-5998483.