MAGSAYO NAGPANIKAD
Mobalik og away si ALA
fighter Mark Magsayo sa iyang yutang gidakuan sa Tagbilaran City, Bohol sa
main event sa Pinoy Pride 43 boxing promotion.
Si Magsayo, kinsa natawo sa Tacloban City, Bohol apan nagdako sa Bohol, modepensa sa iyang World Boxing Organization (WBO) Internationalk featherweight title batok kang Japanese Syota Hayashi.
Katapusang miaway si Magsayo sa Bohol niadto pang Julyo 6, 2014 diin midaog siya Ernesto Fontanilla pinaagi sa TKO.
Gipasabot ni Magsayo nga naghinamhinam siyang moaway og balik atubangan sa iyang katagilungsod aron ipakita ang iyang kalambuan isip usa ka boksidor. “Excited kaayo ko kay first
time ni nako moaway sa amoa nga akoy main event. Undercard ra man ko katong last fight nako sa Bohol,” matod ni Magsayo kagahapon atol sa paglusad sa promosyon sa St. Mark Hotel.
Gipahimangnuan si Magsayo sa iyang trainer nga si Edmundo Villamor nga dili mokompiyansa bisan gamay aning maong tahas kay dili bastabasta nga kontra si Hayashi.
“Maayo sab moduwa ang iyang kontrra, kahibalo mo- box unya kahibalo sab mag- fighter. Duha ang style ani,” matod ni Villamor.
“Dili lang gyud mokompiyansa si Mark kay taas na’g experience ni iyang kontra.” Si Magsayo, 22, naggunit og 17-0, 13KOs nga rekord samtang si Hayashi adunay 30-6-1, 18KOs nga baraha. Mopakita sab og aksyon sa
top supporting bouts ang stablemates ni Magsayo nga sila si “Prince Albert Pagara (281, 19KOs) Jeo Santisima (14-2, 13KOs).
Si Pagara makigbatok kang Mohammed Kambaluta sa Tanzania (17-3, 6KOs) samtang si Santisima makigharong kang Kichang Kim sa Indonesia, 8-4-1, 2KOs).
Ang tulo ka ALA fighters pulos ningpasalig nga kutob sa ilang mahimo, iyang i- knockout ang ilang tagsatagsa ka kontra.