31 KA TAWO NAANGOL SA BANGGA

Mokabat sa 31 ka mga tawo ang nangaangol human ang trak nga iya sa kagamhana nga ilang gisakyan naaksidente sa Transcentral Highway sa Barangay Cansomoroy, lungsod sa Balamban ala 1 pasado sa hapon kagamhanan.

Ang trak (SKV 552) gikataho nga nawad-an sa iyang brakes samtang nagdulhog sa karsada,

nabangga sa konkretong barrier sa tuo nga lane, dayon nipadung sa laing lane.

Nahunong lang kini human mabangga sa usa ka bato sa tiilan sa usa ka pangpang.

Way laing sakyanan nga nalambigit sa aksidente.

Ang aksidente nahitabo sa dapit diin nahug usab ang usa ka bus nga gisakyan sa mga Iranian, nga nipatay sa 21 ka mga tawo niadtong Hunyo 13, 2010, matod ni PO1 Rodgie Montejo sa Balamban Police Station.

Mokabat usab og 26 ang nangaangol sa mao nga aksidente.

Sagad sa mga pasahero sa truck mga batan-on gikan sa Grace Gospel Church sa Asturias.

Matod ni Montejo nga ang trak gipanag-iya sa kagamhanan sa lungsod sa Asturias.

Padung na sila sa Asturias gikan sa youth camp sa Cebu City.

Matod ni Montejo nga ang driver nga si Axel Jaime Abrasaldo, 51, nakaangkon og mg samad sa ulo ug uban bahin sa lawas.

Sila si Abrasaldo ug laing pasahero way panimuot dihang gidala sa Balamban District Hospital, apan nagginhawa.

Matod ni Montejo nga nakakita siyag pasahero nga nabuak ang ilong.

Laing mga pasahero nangapiang sa tiil ug dunay mga samad sa lawas.

Gidala sa tambalanan sakay sa tuloka mga ambulansya sa Balamban ug medical van sa Asturias.

Usa ka team sa upat ka mga pulis, apil na kang Montejo ug gipangulohan ni SPO4 Revelito Tadique maoy unang niatiman sa mga samaron.

Gikan sila sa usa ka patrol sa Barangay Gaas dihang niagi sila sa dapit.