Kalag Kalag sa Mandaue, Lapu malinawon
Malinawon ang pagpahigayon Adlaw sa mga Santos sa dakbayan sa Mandaue.
Sumala ni P/Supt. Roberto Alanas nga sukad midugok sa mga menteryo ang mga tawo, way mga nakuhang kontrabando ang kapulisan atol sa pagkutlo ning balita.
“So far, wala tayong reported na any violation sa mga sementeryo,” matod ni Alanas sa mga tigbalita.
Nagpasalamat usab si Alanas sa mga residente nga nituman sa mga pahimangno sa kapulisan sa mga angay ug di angay buhaton niini sa minteryo.
“Unlike before na mayrong nakuha pero more on suyod but since na-announce sa tulong na rin said media at mamamayan, ay hindi na sila nagdala,” dugang niya.
Moabot sa 270 ka pulis ang gipakatap sa mga menteryo sa Mandaue uban sa pwersa gikan sa Armed Forces of the Philippines (AFP).
Si Alanas niingon nga may walo ka menteryo nga ilang gibantayan sa pagdagsa unya sa mga tawo nga mobisita sa menteryo karong adlawa.
Samtang sa dakbayan sa Lapu-Lapu gihulagway nga
"generalyy peaceful" ang assessment sa Lapu-Lapu City Police Office ngadto sa upat ka mga sam-ang sa dakbayan atol sa pagtima-an sa Todos Los Santos kagahapong adlawa.
Atol niining pagsuwat way natala o nakuha-an og kontrabando gikan niadtong mga tawo nga moduaw sa sementeryo.
Samtang kutay sa mga tawo nga buot mosud sa Catholic cemetery sa Humay-Humay road moabot sa 500 metros ang gitas-on sa linya. Tungod niini gihimo-an og
four lane ang entrada sa maong sam-ang diin gilahi ang female ngadto sa male entrance ug adunay priority lane alang sa mga persons with disability (PWD) ingon ang mga Senior Citizen, sa maong paagi kalikayan ang “human traffic” sa area.
Gilahi sab ang exit area nga lapos ngadto Bukana road, Pajo.
Samtang ang Deputy City Director for Opertions sa city police office P/Supt. Elmer Lim nagkanayon nga ang sam-ang sa Santa Rosa, isla sa Olanggo ug Municipal cemetery sa barangay Gun-ob gibana-bana nga adunay kapin sa 500 ka tawo ang miduaw.
Moabot sa 3,000 ka tawo midagsa sa Humay-Humay cemetery samtang 1,500 sa Mactan Island Memorial Garden, Marigondon.
Ang mga naasoyng sam-ang adunay tagsa-tagsa ka Police Help Desk ug Red Cross booth.