GRECO NAGLASLAS SA PULSO

Naglaslas sa iyang pulso sulod sa iyang selda sa Cebu Provincial Detention and Rehabilitation Center (CPDRC) ang kontrobersiyal nga si Leodegreco “Greco” Sanchez Martes sa gabii. Apan gamay ra ang samad ug anaa siya sa luwas nga kahimtang.

Matod ni CPDRC Assistant Warden Audesti Miguel, blade sa shaver maoy gigamit ni Sanchez paglaslas sa iyang pulso.

Apan gipasabot ni Miguel nga “superficial wound” o gamay ra ang samad niini ug si Greco lang ang niinsister nga naglaslas siya.

Gidala sa clinic si Sanchez apan dali ranga gibalik sa iyang isolation cell human nahatagan og first aid.

Sigun ni Miguel, daw sa nagrebelde si Greco tungod sa gikanselar nga mga prebelhiyo alang niya.

Gipadayag hinuon sa assistant warden nga di makabasol si Greco sa tagdumala sa prisohan tungod usab kay lima ka mga higayon na kining nasakpan nga nagtinir og cell phone.

Labing uwahi nga confiscation sa cellphone niini natala niadtong Oktobre 26.

Dihang gisubay ang selda ni Greco human sa iyang paglaslas, wa hinuoy nakuha nga mga kontrabando apan na- recover ang mga blade sa shaver.

Nahibalo na sa hitabo ang igsuon ni Greco nga si kanhi

board member, Gigi Sanchez apan nagdumili sa pagkomentaryo.

Si Gigi nasuko sa miaging buwan human ang iyang igsuon usa sa gituohang gibasol tungod sa pagsuspenso sa dalaw tungod sa napalgang cell phone nga usa sa mga gidili sa mga piniriso.

Ang iyang reklamo niabot sa buhatan ni Gobernador Hilario Davide III.

Ang kadagkuan sa CPDRC kanunay nagpahigayon sa

greyhound operation aron pagsakmit sa mga kontrabando, nga naglakip sa mga cell phone.

Sa laing bahin, niadto gihapong Martes sa gabii, usa ka piniriso ang namatay sulod sa CPDRC.

Tungod hinuon kini sa sakit ug sa taas nga pangidaron.

Nagdumili si Miguel paghatag sa ngalan sa maong piniriso. /