GSW kinahangla'g suporta
Kumpara sa ilang kampanya sa miaging katuigan, dili maayo ang pagsugod sa Golden State Warriors sa 2017- season sa National Basketball Association (NBA).
Ang padayong pagdominar sa Warriors sa milabayng katuigan mipagawas na’g senyales sa ilang kahago gikan sa mas taas nilang kombati sa usa ka season kumpara sa ubang teams.
Ang resulta, 5-3 pa ang ilang rekord sa kasamtangan.
Sa pagsulod nila sa finals sa miaging tulo ka mga tuig diin nakabira sila og duha ka mga titulo, ang Warriors tatawng nadutlan na sa kahago.
Gumikan niini, kinahanglang makapakita og maayo ang ubang mga magduduwa sa Warriors aron dili mobugat og grabe ang pas-anong responsabilidad sa ilang mga pambato.
Ang bag-ong mga sakop sa Warriors nga sila si Omri Casspi, Nick Young ug rookie Jordan Bell dili man tuod makakawat sa headlines gikan nila ni Stephen Curry ug Kevin Durant apan labing seguro,
importante ang ilang paghiabot sa team. “It’s always important to add some new guys, new blood to a championship team,” pasabot
ni Warriors coach Steve Kerr. “I think that’s where Omri, and Nick and Jordan Bell come into play. They will help us through the year for sure.”
Sa miaging tuig, ang bag-ong mga magduduwa sa Warriors nga sila si David West, Zaza Pachulia ug JaVale McGee nakatabang sa ilang paglangkat og balik sa titulo.
Malaumon ang Warriors nga makatabang sab kanila ang ilang bag-ong mga magduduwa ning tuiga.
“Great teams have that balance where every night, no matter what lineup is out there you know what your identity is and how you’re going to get a win,” asoy ni Curry. Si Kerr nagkanayon nga naglaom na siyang daan nga magsalimoang sila sa sayong bahin ning maong season gumikan kay padayon pa silang nagpangita sa saktong kumbinasyon. “There’s a mental fatigue (after
winning championships) more than anything. You feel it after a number of years,” batbat ni Kerr.
“I can tell this year is going to be a lot harder than that first year (in 2014).”