MS PERU PAGEANT NAHIMONG USA KA PROTESTA
Dili ang naandan nga beauty
pageant ang gipahigayon nga indigay sa kaanyag didto sa Lima, Peru sa ilang tinuig nga Miss Peru beauty contest sa dihang gi- highlight sa maong kalihokan ang nagkataas sa kaso sa violence against women.
Gipahigayon niadtong Oktubre 29 diin 23 ka mga finalist nagsilbing tingog sa liboan ka mga kababayen-an sa ilang nasud nga biktima sa harassment, sexual ug physical abuse lakip niadtong gipamatay.
Inay nga mohatag sa sukod sa ilang vital statistics gipahibawo sa matag kandidata ang porsento o gidaghanon sa mga biktima sa pang-abuso.
“My name is Camila Canicoba, I represent Lima and my measurements are: 2,202 cases of feminicides reported in the last nine years in my country,” butyag ni Canicoba.
“One girl dies every 10 minutes due to sexual exploitation,” laing kandidata nagkanayon human nagpa-ila sa ilang kaugalingon.
Ang nasud sa Peru nga kabahin sa South America gihulagway nga “most dangerous countries for females”. Ang pageant organizer nga si Jessica Newton nagkanayon nga usa kini ka paagi nga masayran sa kinabag-an ang statistics sa kaso batok sa kababayen-an sa ilang lugar. “Unfortunately there are many women who do not know, and think
they are isolated cases,” matod pa ni Newton, Miss Peru 1987.
Niguwa nga mananaog si Romina Lozano isip Miss Peru 2018 nga adunay yang advocacy sa paggama og database o listahan niadtong mga suspek dili lang sa kasong feminicide apan sa tanang matang may labot sa violence against women. Sa maong paagi kapanalipdan ang kababayen-an. /