Luigi motanyag og reward

Motanyag og ganti si Mandaue City Mayor Luigi Quisumbing sa makahatag og impormasyon kon kinsa ang responsable sa pagpusil-patay ni PO1 Mae Sasing.

Wa hinuon gipahibaw sa mayor kon pila ang ganti apan gipaniguro niya nga moabaga sa operasyon sa pulis alang sa dinaliang pagsikop sa killers.

Samtang nasuta sa CCTV footage nga gisundan na sa killer gikan pa sa Lapu-Lapu City si Sasing.

Si Quisumbing usa sa mga ningtambong sa case conference niadtong Huwebes sa hapon kalabot sa pagpusil-patay ni Sasing samtang paingon mopauli sa lungsod sa Consolacion niadtong Martes sa gabie.

“I told the police I will offer a reward but we will also make funds available for operation to make sure that we will be able to do this (case) very quickly,” ni Quisumbing sa dihang nahinabi sa mga tigbalita kagahapon.

Dugang pa sa mayor nga iyang giingnan ang kapulisan atol sa case conference nga buot niyang masulbad sa pinakadaling panahon ang kaso ni Sasing tungod kay kini “insulto” alang kaniya.

“I want this case solved quickly, and I want it done as efficiently as possible because for me, when it comes to crimes like this, I take this personally. I feel like personally insulted that these criminals thought that they could commit this crime in Mandaue City and get away with it,” batbat pa niya.

Matod pa ni Quisumbing nga 100 porsiyento ang iyang suporta di lang mga pulis, apan lakip na sa mga traffic enforcers ug clean and green personnel nga gisakripisyo ang kinabuhi sa matag adlaw nga kini nagtrabaho.