TEAM OWNERS MEETING KARON

Panagtagbo sa mga team owners maoy bugtong makasulbad niining krisis nga miigo karon sa board of directors sa PBA, ang unang professional basketball league sa tibuok Asia.

Kini maoy gisugyot ni Dioceldo Sy, tag-iya sa Blackwater franchise, nga kinahanglan nga ipahigayon na ang dugay nang gilaraw nga summit sa mga team owners aron mapakgang kining hudlat sa pagkasi-ak sa board tungod niining termino sa kontrobersiya nga commissioner nga si Chito Narvasa.

Nagtuo si Sy nga ang presensiya ni Ramon S. Ang sa SMC Group, Manny V. Pangilinan sa MVP bloc, Wilfred Uytengsu sa Alaska, Dennis Uy sa Phoenix, Raymund Yu

ug Terry Que sa Rain or Shine, Mikee Romero sa Globalport, Pepito Alvarez sa KIA, ug siya mismo maoy makasulbad ning maong problema nga naghudlat sa PBA.

“We need to address the current situation of divisiveness. I know these people are preoccupied with a lot of things, and so am I. But we have to make time for it, for the love of basketball, the country, and the PBA,” nagkanayon si Sy sa dihang gikahinabi sa SPIN.ph.

Kon gikinahanglan man gani nga mopatunga ang Malacañang nga maoy mo-preside sa meeting, mas kini makaayo, dugang ni Sy.

“I’m not kidding. President Duterte could perhaps help us. These men are some of the

country’s top businessmen,” ingon niya. “The President is close to Mr. Ang and so is Mr. Pangilinan. Dennis Uy or Bong Go could push for it.”

Si Uy, kinsa mao usab ang nanag-iya sa 2Go, maoy kasamtangang presidential

adviser sa sports, samtang si Go, kinsa mahiligon usab og

basketball nga perming motan-aw sa PBA, maoy hepen sa Presidential Management Staff.

Katapusang nagka-meeting ang mga tag-iya, niadto pang 2011 ubos ni commissioner Chito Salud sa Shangrila Hotel. Mitambong sa maong meeting mao sila si Ang, Pangilinan, ug Uytengsu uban nila ni Yu ug Que, Bert Lina sa Air21, ug George Chua sa Barako Bull.