1st Monday sa Nov. i-Holiday?
Gusto ni Mayor Tomas Osmeña nga malugwayan ang bakasyon sa mga trabahante ug buot niyang madeklara kini pinaagi sa paghimo og balaod nga maghimo sa unang Lunes sa Nobiyembre isip All Saints Day.
Para nako ang Oct. 31 half day para makapauli og sayo ang taga lagyo ug Nov.1 ug 2 legal holiday kay mao gud nay adlaw sa atong pagdagkot sa atong mga minahal sa kinabuhi nga nangamatay... - Lito Carreon
Uyon ko ana kay di baya lalim nga mouli ka sa imong probinsya unya inig abot didto magdali-dali na sad kag balik paingon sa siyudad kay naa pay trabaho inig ka ugma. Maayo gyud nang i- holiday kay para sab makalikay ka sa duot sa mga pasahero kay sakay naman sad nang mga panahuna ug dili na i- holiday. - Virgil Villaver
Sa una ang October 31 half day ang holiday aron makapauli ang taga Cebu sa probinsya. Nov 1 All Saints Day so adto kita managkot sa simbahan dapat holiday. Nov 2 All Souls Day, kining adlawa managkot sa menteryo dapat holiday usab. Mao ni ang naandan sa unang panahon ambot ngano giusab. - Lorna Yongco
Uyon ko kay nindot ang tumong ni mayor. Pero isip usa ka Filipino sab, kahibawo ta nga lisod buk-on ang naandan nga tradisyon, hilabi nag relihiyuso nga aspeto. - Jason Lorica
Para naku dili na angayang usbon ang naandan. Mag-buhat nalang og balaod nga i- legal holiday ang October 31, November 1 ug November 2 unya i- special non-working holiday ang November 3 kon ang tumong mahatagan og igong panahon ang mga nagtrabaho nga naa sa lagyo. - Ronald Martinez Lisondra
Dili intawon pwede. This is a celebration of the universal church ang angay niya buhaton iyang himuon nga holiday sa Cebu ang Nov. 2 ug 3 dili kay usbon niya ang date sa Kalag Kalag. - Francis Paul Timothy Isaiah
Ahaka ana planoha gud. Supak gyud kaayo. Magbuhat kag imo kaugalingon kalendaryo? Ayaw usba ang naandan na nga petsa dapat kamo ang mo- adjust dili ang kalendaryo ang mo- adjust ninyo pastilan. - Jun Pardillo Bongo
Uyon kay para namo mga trabahante kinahanglan pud og taastaas nga pahuway ug oras sa among mga minahal sa kinabuhi labi sa mga taga province na lagyo ang ulian kada naay mga okasyon. Thank you, Mayor and more power. - Janjan Lani Abubakar