Sex robot gigama alang sa mga ulitawo

Gipakaslan sa lalake ang iyang sex robot human ang iyang mga ginikanan mikasaba kaniya aron magminyo na nagdesinyo na usab og laing modelo alang sa mga nagsubo nga mga lalake. Si Engineer Zheng Jiajia nag- gama karon og daghang robots nga may “sexual function” aron katabangan kadtong mga ulitawo sa ilang panginahanglan.

Ang iyang kompaniya - Brain of Things Science and Technology – mogama og mga robot base sa unsay gusto sa ilang kustomer.

Si Zhen, 31, nakigminyo sa iyang kaugalingong asawa nga si Ying-Ying, usa ka sex robot, niadtong Abril diin simple lang ang ilang seremonyas sa kasal apan wa kini gikonsiderar nga legal.

Ang iyang inahan ug mga higala nitambong sa kasal duol sa ilang balay sa Hangzhou, China.

Adunay video nga nagpakita nga si Zheng mialsa sa sex robot kay di man kini makalakaw ug makalihok nga siya lang.

Naglaum siya nga makahimo og mga robot nga makalakaw ug makatabang na sa paghimo sa gimbuhaton sa balay.

Ning higayona, si Ying-Ying limitado lang nga makaestorya ug makaila sa pipila ka mga imahe.

Ang iyang mga bag-ong hinimo nga sex robots pareha lang ug gikataho nga makaila sa tingog, nawong ug finger prints.

Si Zheng nga migraduwar sa Zhegiang University adunay masters degree sa artifcial intelligence, nagplano nga makig-uban kang Ying-Ying hangtod siya sa mabuhi.

Gikataho nga adunay moabot 30 milyones sa mga lalake sa China nga wa pa maminyo busa sama kang Zheng daghang interesado sa mga sex robot. /